Carlos Carvalhal hefur verið ráðinn stjóri Swansea en félagið tilkynnti þetta nú rétt í þessu. Carvalhal var rekinn frá Sheffield Wednesday á aðfangadag en hann var ekki lengi atvinnulaus.

Carvalhal tekur við Swansea af Paul Clement sem var rekinn í síðustu viku.

Hinn 52 ára gamli Carvalhal er frá Portúgal en hann hefur stýrt Sheffield Wednesday í tvö og hálft ár. Liðið fór í umspil í Championship deildinni undir hans stjórn á síðasta tímabili.

Swansea er í slæmum málum á botni ensku úrvalsdeildarinnar en liðið steinlá 5-0 gegn Liverpool í fyrradag.

Næsti leikur Swansea er gegn Watford á útivelli á laugardag.